Kaupapa: Basketball

Me whakatika ngā Tall Ferns i mua i te tukinga ki a Korea

E ai ki a Kennedy Kereama, kaiako Tall Ferns, me whakatika i mua i te tukinga Ipu Āhia tuarua ki a Korea ki te Raki.

I hinga ai rātou e whitu tekau mā whitu ki te whā tekau mā waru tatau i te kēmu tuatahi ki Haina, engari kei te ora tonu tā rātou aru ki te Ipu o te Ao.

He ngawari ngā tohutohu, whai kaute, noho tata ki a Haina

Ko tā te kaiako o te Tall Ferns, Kennedy Kereama, i whakamahi rātou i tētahi rautaki hei karo i ngā mahi a Haina.

Auare ake, nā te teitei o te hoariri i whai hua ai a Haina i ngā Tall Ferns. 

Ko tā Kereama, he pūkenga kē a Haina mō ngā kuru ūhunga mai tawhiti. Mō te kapa Tall Ferns hei tāna, he nui ngā hapa hei whakatika.

Ko te wā tuatahi tātāwhai ai ngā Tall Ferns i te Ipu o Āhia. Ka kitea e rātou he taumata anō a Āhia i a Oceania. 

Hei tā Kereama, me waia haere te kapa Tall Ferns ki te whakangungu i te katoa o te kōti.

Ko North Korea e whai ake nei, ka noho rātou ki te tūnga whakamutunga o te whakataetae. Ahakoa tērā, kāore a Kereama mo te tākaro ngāwari ki a rātou.

He wawe noa, engari me wikitōria ai rātou i ngā kēmu e rua e whai, kia ngāwari ake ngā whiringa whāiti.

Ko Korea ki te Raki te kapa tuatahi.