Kaupapa: Rugby

Me whakaaro anō mō te rautaki tōmua i te tukinga ki ngā Barbarians

Tamati Tiananga

Me whakaaro anō mō te rautaki tōmua i te tukinga a te kapa Ōpango Māori ki te tira NZ Barbarians.  Ko te tū i te tū a te taiea te whāinga matua mō te Rāhoroi whai muri i tā rātou otinga tata ki a Whīti 27-26.         

E ai ki te waetīkape Ōpango Māori ki a Ash Dixon me tika rā rātou i tēnei wiki.         

Ahakoa te kaha o te kakari i te haurua tuarua o te tukinga i Suva, kua tū tonu te toa karapipiti tekau mā iwa a te kapa Ōpango Māori, hēoi tā Dixon ehara i te mahi māmā.     

Nā ngā ngoikoretanga i te taha ārai me te nui o ngā hapa i pakeke ai ngā mahi mā te kapa.   

Nōna pō rā tau mai te kapa ki Aotearoa, ā, ao ake ko te ata ki patiki hoki ai rātou me te whakapono a Joe Moody ka taea anō e te kapa te hoki ki te ara tika.      

Pērā i a Joe Moody, ko Tawera Kerr-Barlow i kuhu ki te kapa Ōpango hoki, inaianei kua hoki mai ki te whakatutuki i te wāhanga ki a ia i te kapa Ōpango Māori hei te Rāhoroi.     

Kei wāhi kē a Ben May, hei te Rāpare hoki mai ai. Ko tā Moody ehara tēnei i te mea whakararu.  Hei te Rāpare whakapuakina ai te rārangi kapa.