Māori baseball youth hopeful for college-contract

E ngana ana ngā taiohi pūkenga ki te poiuka ki te whakararata i ngā tūtei o Amerika i te whakataetae Arizona Fall Classic. E rua tekau ngā taiohi nō Aotearoa e aru kirimana ana kia kuhu ki ngā whare wānanga nui.

Me uaua ka whai ara pēnei a Tairea Thompson mē ōna hoa ki te tākaro i mua i ngā tino mātanga poiuka o Amerika.

“Kua tākaro rātou i te kēmu mō te nuinga o tō rātou oranga, kua tākaro rātou nō te wā e whā tā rātou pakeketanga. Engari te nuinga o mātou kua tākaro mō ngā tau e rua anake.”

Ko te tonamana Arizona Classic tētahi o ngā tino whakataetae e kitea ai te huihuingā o ngā tino poiuka o Amerika me Kānata e whakapuaki ake ana i mua i te aroaro o ngā tūtei me ngā kaiako mātanga.

“Kei te pai haere tēnei kēmu, kei te ako mātou katoa i ngā pūkenga hou. I te wā ka hoki ki Aotearoa ka pai ake o mātou pūkenga.”

He hākina e whai waewae tonu ana ki Aotearoa nā te itiiti o ngā pūtea tautoko, nā whai anō te pīkoko o ngā tama nei kia whakaatu i o rātou pūkenga, ko te kirimana kareti, kirimana ngaio rānei te whai.

“Kei te hiahia mātou katoa ki te uru atu i roto i ngā whare wānanga i konei me te uru atu ki roto i ngā tīma o te whakataetae MLB. Koira te whainga nui.”

Kotahi wiki e toe ana ki ngā tama i te whakataetae nei, ka tuki atu ki ngā kapa toa rangatahi o reira.