Kaupapa: Rugby

Māori All Blacks pay tribute to Mita Mohi at Ohinemutu

  • Waikato/Te Waiariki

He mīharo te pōhiri a Te Arawa waka ki te kapa Ōpango Māori, tōmua i tā rātou tukinga ki te kapa Raiona hei tēnei Rāhoroi ki Rotorua.

Pāorooro ana te pōhiri ake a Te Arawa i te kapa Māori, hei tohu ki a Mita Hikairo Mohi i mate atu i tērā.

Hei tā Hikawera Elliot, “He mihi atu ana ki te koroua, a Mita, mō tōnā mahi i mahi ai ia i roto i te ao Māori.”

“Rotorua te kāinga o te Māori, nō reira tino harikoa ngā tama kua tae mai ki konei i tēnei rā i mauria mai e ngā uri o Te Arawa,” nā Otere Black (Ngāi Tūhoe, Te Whānau a Apanui, Ngāti Tūwharetoa).

E hoki māhara ana tōnā whanaunga nō Ngāti Rangiwewehi, a Te Ururoa Flavell ki āna mahi hei rangatira mākohānui.

“He tangata kaitā mō te Whutupōro, rīki mai, whutopōro mai. Engari, mō te mea e whankanui ana, ko te āhuatanga o tana kawe i a ia anō. He ngāwari, he māmā, he harikoa,” nā Flavell.  

Ko te whakapae ka tātāki a Hikawera Elliot i te haka. He tauira o mua hoki tēnei Waitikape a Mohi. Ko te rerekētanga mai o te kapa kua kitea e ia.

Tā Elliot (Ngāti Awa), “Kia ahau nei, ki ōku nei whakaaro, ko te teretanga o te kēmu, ngā kaitākaro i pīki nei.”

He hokinga ki te hau kāinga mō te ika-a-Whiro nō te kura tuarua o Rotorua, mō Liam Messam.

“Ko te mea nui māna mē kī, he rangatira ia i roto i tēnei tīma. Me whai mātou I āna mahi. Nō reira, kua tākaro ia ki tērā o ngā taumata,” nā Black.  

Mātuatua ake ki te kapa Māori, me pēhea te aukati i ngā Raiona, ko ia hoki tērā i hoki ora mai i te tukinga ki ngā Crusaders.