Māori AB's 2nd day in the mix

I te rangi tuarua o te kapa Ōpango Māori i Toronto, kua uaua ake ngā whakaharatau. Kei te aro atu ngā poumuri ki ā rātou rautaki, ā, he nonoke me te āpititü e kaha whakangungua ana. Ko tā mātou karere,

Kotahi atu ki te mura o te ahi ma Kane Hames no Ngāi Tuhoe me Ngāti Porou.

Katahi te tau miharo ko tēnei ma Kane, koinei tana tau takaro tuatahi i te ITM cup mo te Waiariki, kua whai kirimana ia ki ngā Highlanders mo te whakataetae Super 15, ka mutu kei konei kei Toronto ia i te taha o te kapa Māori.

E rima tau a Kane e mahi ana hei kaitaunaki i te whutupōro i te Waiariki, nāreira koia tētahi tauira pai ki te upoko pakaru, ā ki te whakapetotia ō ngoi nā wai rā ka tutuki ōu whainga.

Hei tāna, kua harikoa tōna whānau i āna angitutanga i tēnei tau.

I tua atu I tona whanau harakoakoa, koia tētahi o ngā akonga tokotoru o mua o Te Aute a Piri Weepu raua ko Joe Royal kua whai wāhi atu kit e kapa I tēnei tau.

Ā, ahakoa e koa ana a Kane i tōna tau tōnui nei, ki te tohua ia ki te aro ā-kapa me te mau anō ki te poraka Māori, ko te painga atu tēnā.