Manukau's Whitewater Park to teach water safety

  • Tāmaki Makaurau

No nanahi rā huraina ai e te Pirimia a Hone Key, he tohu e tuwherahia ai te Papa Rehia Reti Waihuka a Vector kei Manukau, ki te tinimanomano tāngata. 

E whā tekau ma waru ngā pou kaitiaki e tūtū ana ki ngā tahataha o te ara waihuka, ko rātou ēra e manāki ana i te tini me te rahi o ngā kaireti ka kakari i ngā hoe ki tēnei papa hōu.

Hei tā Ted Ngataki nō Waikato Tainui, “Ki te titiro ki runga i te wai hei awhi nei i wēra e mahi ana i roto i te wai, titiro kia haere tūpato ngā whakāro o ngā kaitiaki e awhi nei i te wai me ngā tamariki mokopuna, koutou katoa e haere ki tēnei ta tatou nei wai.”

No nanahi ra tau mai ai te Pirimia a Hone Key ki te tuwhera tūturu i te kaupapa, ahakoa e haere mai ana a Kīngi Tuheitia ki te āwhina i aia, na tōna māuiuitia kihai i tatū.

E ai ki te tūmuaki o te Tarahiti Tohapūtea Second Nature a Richard Jeffery kei taumata noa atu tēnei wāhi i ngā momo papa rehia pēnei e kitea ana huri noa te ao.

"This is the new benchmark for the best in the world, and that's been told to us by people from all over Europe, from the United States, we've had a lot of people down here already looking at how do you build one of these because this is the best now."

Kua whakatauhia i roto i ngā whiringa kōrero, e kore a tatou tamariki mokopuna e mahue ki waho tū maroke ai, tū kuare ai ki ngā nekenekehanga o te wai.

Hei tā Jeffery, "The smaller river is called our tamariki river and that's for all our youth education programmes, so we're going to be getting up to 15,000 of our tamariki through the course every year, and that's a commitment we've made."

Otirā ka kitea i roto i ngā marama, i ngā tau e heke mai nei, ngā hua ka taka mai ki te hapori whānui o Tamaki Makaurau, mai tēnei kaupapa.