MacDonald to join the Blues

James Perry
  • Tāmaki Makaurau

Kua whakaingoatia e te kapa Blues i ngā kaiako ka arahi i a rātou mō te tau kei te heke. Kua whakaroahia te noho tonu a Tana Umaga ki te tūranga matua mā te tau kōtahi. Ko Leon MacDonald ka noho ki tōna taha.

He hoa takaro Ōpango ō mua kua tūhono anō ki te kāhui kaiako. 

E hiakaka ana te uri o Rangitane ka noho ia hei kaiako tuarua mo te kapa Blues mō ngā tau e toru. Me tāna rikarika ki te wero nui kei mua i te aroaro.

E whakapae ana a Umaga, kei a MacDonald ngā pūkenga e angitū anō ai ngā Blues, ka mutu e rikarika anō ia ki te tau kei te heke mai.

Hēoi, ehara rāua i te tauhou ki ā rāua anō te pouaka kaiako. I noho rāua tahi hei kaiako tuarua mō Scott Robertson i te kapa ō Aotearoa i raro i te rua tekau tau te pakeke i toa i te tau 2015. Hei tā Michael Redmond, kaiwhakahaere matua o ngā Blues, mā ērā wheakoranga ka tau te noho i waenganui i ā rāua.

Ko MacDonald te kaiako matua o Tasman Mako i te whakataetae Mitre 10, hei te mutunga o taua whakataetae hunuku ai a MacDonald me tāna whānau ki Tāmaki Makaurau.