Kaupapa: Boxing

Mā Thompson rāua ko Gallen te kaupapa Super 8 e ārahi

Tamati Tiananga

Kua rite te waewae tapu ki te kapa Warrior, a Bodene Thompson mō tana whawhai ki a Paul Gallen i te huinga whawhai Super 8.

Hei hāpai i āna mahi whakangungu ko ngā toki mekemeke pēnei i a Monty Betham, Hemi Ahio rātou ko Sefo Falekaono.  Ka tūtaki atu a Bodene rāua ko te kapene no te kapa Cronulla Sharks a Paul Gallen mō te wā tuatahi āpōpō tōmua i te whawhai a tēra wiki, he ahuatanga rereke ki te tākaro rīki.

Hei tā te kaiako a Lolo Heimuli ahakoa e toru wiki noa ngā mahi haratau, kei a ia tonu ngā pūkenga.

Ko te kōrero e aruaru ana a Paul Gallen i a Sonny Bill Williams, engari tuatahi ko te wero kei te aroaro ko Bodene.  

Ko te whawhai nei te whawhai matua tonu.