Laura Langman reflects on her time with NZ Netball

Taroi Black

Kua whakaritea te pō tohu tāonga poitarawhiti o Aotearoa ki Tāmaki Pāenga Hira, me te whakamōhio atu, kō wai te toa whakaako o te tau, tuarua, ko wai ngā kaitākaro i tohua e te hunga mātakitaki, kā mutu ko wai te toa whakaihuwaka o te tau hoki. 

Nō tēra tau tonu a Poitarawhiti Aotearoa i whakanui i a Kayla Cullen o Ngāpuhi mo te kaitākaro i tohua e te hunga mātakitaki, ko Laura Langman o Ngāti Pāoa ano hoki tēra ka kapo ake i te toa whakaihuwaka o te tau. Heoi ano e whakapono ana a Langman he whetu maiangi ano ka rewa ake i te pāe whai muri i tōku kōrero ki a ia i mua ake nei me āna whainga i tēnei tau me ōna tumanako mo tōna huarahi hou ki Ahitereria.   

Ko ia tētahi toki kua tākaro mō te kapa Rarauhe Hiriwā, tau atu, tau mai, me tāna whakapāe koinei te pāe mutunga mōna i a ia ka whai wāhi atu ki te karapu hou o Queensland a Lightning.

“Essentially it's a blank canvas and not very often do you get to enter a team where they got no history and you have the opportunity to establish and start the legacy,” hei tā Langman.

Ko Langman anake te mema o Aotearoa ka whai wāhi atu ki te whakataetae hou o Ahitereria a tēra tau, heoi ano ko te whakatau a te ture hou a Poitarawhiti Aotearoa, e kore rawa ia e hāpai i ngā kaupapa a te kapa matua. Hei ko tāna me rerekē taua ture a tōna wā. 

“As much as I love it to change I understand and I respect it and I think for me in terms of building my game my decision playing for sunny was best for me at this point of time.”

I riro i a ia te kaitākaro o te tau ruamano tekau mā rima, me tōna manako hoki kia rewa ake he kaitākaro rangatahi o Aotearoa ki te pae.

“This year I was hugely impressed by Te Paea and how she slotted into that goal attack role and I can't wait to see her grow over the next four years heading into pivotal events. I think you can't go past Maria. She's a big time player and keep us in the game and I think she's very well deserving as well.”

Engari i patua a Te Paea Selby-Rickit e te whakamā i taua whakaaro a Langman engari ko tōna whakanui i a ia e kore e ngaro.  

“He rawe te rongo i tera korero mai i a ia, ā, he tino toki ia, ā, kua tino mātaki ahau i a ia i te wā e tamariki ana ahau. Nōreira ae harikoa te rongo i aua korero mai i a ia,” hei tā Selby-Rickit.

A, ko te kii a Selby Rickit e tika ana kia whakawhiwhia te taonga whakaako o te tau ki a Noeline Taurua o te kapa Southern Steel, i mua i a ia ka wehe nei me Langman ki Ahitereria ki te ārahi i te kapa Sunshine Coast Lightning i roto i tā rātou tauwhinga hou.