Ngā kaupapa: Commonwealth Games, Rugby

Kurt Baker kāpene takirua mo te kapa ō pango takiwhitu

Mere McLean
  • Waikato/Te Waiariki

Kua whakaingoa a Kurt Baker o Ngāpuhi hei kaiurungi takirua i te taha o Sione Molia mo te tima takiwhitu tāne o Aotearoa i a rātou e whakarite ana mo te HSBC whutupōro takiwhitu o te ao ki Rānana.

Mo Baker, “He wā mīharo tēnei mo te kapa hei whakatipu, whakawhānui hoki. Ko Scott rāua ko Time kua noho hei kāpene mo tēnei tau nō reira kua tahuri rāua ki te hapai i a māua ko Sione i roto i ngā wiki e tū mai nei, mīharo”.

Ko te whakatā te mahi i ngā wiki e toru ki muri heoi i tēnei wiki ko te whakaharatau me te mahi a rōpū te aronga matua. Ki tā Clark Laidlaw, Kaiako “ko te whakaaro nui kia whakaū ngā mahi ārahi ahakoa ki runga ki waho i te papa tākaro na te mea he mahi nui mo ngā kāpene takirua kua whakaingoahia, ā, me awhina pērā i ngā mahi kua otihia e Tim rāua ko Scott”. Kei te tūranga tuatoru te kapa ō pango whutupōro takiwhitu ki te wāhanga HSBC whutupōro takiwhitu o te ao ka noho a Whiti me Awhirika ki te Tonga i mua i a rātou.

“Ka haere mātou ki reira i runga i te whakaaro kia toa i te tōnamana nō reira kua toru wiki e whakarite ana, ā, kua rite mātou mo ngā whakahaerenga” ki tā Baker. Ka haere te kapa ki Rānana hei ēnei rangi okioki i mua i tā rātou tākaro a te tuarua o Pīpiri.