Kaupapa: Netball

Kua wikitōria te kapa Southern Steel i te kapa Midland Tactix

Rukuwai Tipene-Allen
  • Te Waipounamu

I ārahi te uri o Ngāti Raukawa ā Te Paea Selby Rickit i te kapa Southern Steel ki te tītoi o wikitōria nā i patua te kapa Silvermoon Tactix 59 ki te 56 i te Whare Hākinakina a ILT i Waihopai inapō. Te nanakia o te kaikuru Steel i riro i a ia he 19 o ngā tarawhiti 23 kia puta ia hei tino o te kēmu. 

I ū tonu te kapa Southern Steel ki tō rātou momo, kāore he pāinga i a rātou i te kāinga. He wiriwiri te tuki ki a Tactix erangi i puta te ihu.

I hurō mārika te whare me te tautoko i te kāinga tae noa ki te tikitanga o te miniti whakamutunga kia eke rātou ki te tūranga tuarua i te rārangi ingoa, ā he hātepe e whakatata atu ana ki ngā kōwhiringa whāiti.

I kitea te kapa steel i okea ki te mutunga mō te hemo tonu atu i te pakanga o te Waipounamu.

Ahakoa ko ia te tino o te kēmu mō te kuru i te 83 paihēneti. hei tā te tino o te kēmu he whakatikanga kei mua kia riro i a ia te kuru matua.

ka tuki rae ki te rae te kapa Steel ki te kapa Magic a te wiki e tū mai nei kia whai tūranga ngā kōwhiringa ki te kāinga.