Kaupapa: Rugby League

Kua wikitōria te kapa Kiwi i te hinganga o te kapa Kangarū

Wepiha Te Kanawa
Kiwis win over the Kangaroos

Ahakoa i noho a Issac Luke ki te taha i te hamenetanga ōna, ko ia tērā i ārahi i te haka, rāua tahi ko Adam Blair.

He tīmatanga kino mā ngā Kiwi, i pakihawa a Darren Beale i te pōrō, ā, ko Beau Scott i tutuki i te piro tuatahi o te kēmu.

Ko Jason Nightingale hoki tērā i pakihawa i te pōrō, ā, kāore i whai piro.  Heoi i ngana a Proctor ki te kimi i te rārangi, ā, ka kotahi atu ki te rārangi.

I te wā i piro a Greg Inglis i puta mai te wairua whawhai ki roto i te kapa Kangarū, ā, he tekau mā rua piro ki ngā kapa e rua.

I te haurua tuarua ko Shaun Johnson tērā i angitū, ā, mārama ana te kite inā pā a Johnson i te pōro, he piro te hua.

I whai ake ko te piro a Dean Whare, he uaua kē mā Ahitereiria te whai i te tūranga o runga, kātahi ka hiki te kapa Kiwi i a rātou ārai.

Nā wai i hē, ka hē kē rawa atu mā te kapa Kangarū, i muru a Nightingale i ōna hara nō te haurua tuatahi.

Ka tākaro te kapa Kiwi ki a Hāmoa ki Whangarei a tērā wiki.