Kaupapa: Waka Ama

Kua wikitōria a Paddling Connection i te tauwhāinga Hawaiki Nui Va'a

Rahia Timutimu

Kua tae ki te mutunga o te whakataetae rua tekau mā rua o Hawaiki nui. I hoe ngā kapa waru tekau mā waru i ngā moutere e whā o Tahiti kia kitea ko wai te toa.

He kapa hou i whakaihuwaka, katahi ano ka kitea i tēnei, te reehi whakamutunga mai i Taha'a ki Borabora, he rima tekau mā waru kiromita te roa.

Ko Te kapa Matairea I Arahi I te rēhi mo ngā kiromita rima tekau, I whai hua o rātou pukenga eke Ngaru.

Kōtata atu ki Borabora he waru kiromita atu i te mutunga o te rēhi i te noho ki mua a Mata’irea ma te rima rau mita ki a Paddling Connection i te whai tata atu.

Heoi i rerekē taua hua i te kiromita whakamutunga o te rēhi, mai te kore i kaha mai a Paddling Connection ki te tuku ki mua, a, ma ngā mita whā rau e toe ana te hua e whakatau.

Ko Paddling Connection ngā toa o te whakataetae Hawaiki Nui mo te tau rua mano tekau ma toru.

He  wikitoria nui tēra mo Wilfred Ah Min o Paddling Connection, ko tāna, “kua tutuki tōna tira i te tūmanako nui, ara te wikitoria, i tēra tau i te tata kē mātou engari, kīhai i eke, he ōrite i te tau i mua i tēra, i tēnei tau i whakapetongoi mātou, mea rawa ake i wikitoria."

He manawa pā a Matairea hoe, i hinga ma ngā hekeno e toru.

I te mutunga iho he wā hari ma te katoa, he rā whakanui, he whakakotahi ano hoki.

Engari mo ētahi he hia moe i te otinga.