Ngā kaupapa: MMA - Mixed Martial Arts, UFC

Kua whakatahahia te toa UFC a Jumeau na te wharanga te take

Tamati Tiananga
  • Tāmaki Makaurau
  • Waikato/Te Waiariki

Hei āpōpō ka haparaparatia te ringa matau o te kaiwhawhai UFC o Luke Jumeau, ka whakauruhia he tako rino whai muri i te whatinga o tana wheua tuakapu tuarua. Me te aha, kua whakararu ko tana whawhai e whai ake nei.   

Na te wharanga nei ka whakatahangia ia. He wharanga i pā i tana wikitoriatanga ki a Daichi Abe nō Hapani ki UFC 221 ki te Urupū, nā whai anō e kore ia mō te whawhai hei te Paenga-whāwhā. 

Ko te manako nui a ngā kaiwhakahaere o Jumeau, ka whawhai tonu ia ki te whakatairanga i tana rekoata tekau mā toru wikitoria, e whā noa ngā hingatanga.

Ka toru marama te roa ki a whakarauora, ā, e ai ki a Jumeau, no muri kē mai o te whawhai ka rongo ia i te kakati o te mamae.  

Hāunga rā ka tōmuri te hokinga atu a te toa rua tekau mā iwa tau te pakeke ki te whawhai, ka whakangungu tonu ia me te whainga kia rua anō ana whawhai i tenei tau.