Kua whakarauika atu ngā tira pā whutupōro ki Whakatāne

Nō te rangi tonu nei, timata mai ai te whakarauikatanga atu a te tini ngerongero ki Te Mānuka Tutahi mō te whakataetae pā whutuporo o Whakatane. I roto ano i ngā ika-ā-whiro kua tae a-tinana atu, ko ētahi pukenga Māori e whakakanohi ana i te hapū o Ngāti Wairere, no roto mai o Waikato.

Tera ano te kopura koriorio e papaki ana i te rangi. Ka kitea ko etahi o ngā tino hautupua o roto mai i te ao pā whutuporo Māori kua mahuta mai ki Whakatāne i te rangi nei, a, hei ta Mita Graham, tera tonu te pōhehe ko te whakawhanaungatanga kē te kaupapa matua.

Kua roa nei enei waewae hohoro e whakapakoko ana i a ratou ano, ko te whainga nui kia rongo mai ai ratou katoa i te parekareka o te nohonga tahi i waenga i te tuakana me te teina.

Kapakapa ana te manawa a tēnei toki pā whutuporo a Whitiaua Black no Tūhoe, kia pau ona katoa i runga i te whīra takaro apopo.

Hei aha noa te noho puku i te pae o te riri. A, e tatari ana a Ngati Wairere kia kauae i ngā ope tauā ka whakaeke mai ki Whakatane.

He tika ano ra te taenga mai a Ngati Wairere i runga ano i ngā patu e wha o te whare Māori, a, ka timata tā ratou takatu atu ki ngā honore nui ki te tira Lock In o Te Arawa waka hei te haurua i te tekau karaka apopo.