Kaupapa: Rugby

Kua whakaīngoatia te tira Ōpango Māori mō te tākaro tuatahi ki Hapani

Nō te ata nei, ka whakaīngoatia te tira Ōpango Māori mō tā rātou tākaro whakamātautau tuatahi ki te kapa o Nīpono, i Kōbe hei te Rāhoroi.

Ko te nuinga o te kapa whakaeke, he tuatahitanga ki te poraka Ōpango Māori.

Tokomaha ngā tauhōu ki te kapa pērā i a Mike Kainga, Dan Pryor rātou ko Tom Franklin.

He pūkenga nui ō rātou katoa, he kai-tākaro manawanui hoki kua tino eke i te whakataetae ipu ITM.

Arā hoki ngā tautōhito hei ārahi i te tira pērā i a Hayden Triggs, i a Elliot Dixon, i a Robbie Robinson, i a Kurt Baker mā, nā reira e hanga taurite ana. Engari kei ngā tauhōu pea te mahi nui.

I mahue i a Jason Emery tētahi poraka Ōpango Māori i tērā tau na te wharanga, engari i tēnei tau kua ora pai ia, a, kua tohua ia hei takawaenga ā te Rāhoroi nei.

Hei tā Jason he ekenga e kore e warewaretia i a ia e oma atu ana ki te papatākaro, me tōna poraka Māori, kia hiwa a ia, rātou hoki ko tōna whānau.

Harikoa ana hoki te parirau a James Lowe kua whakaīngoatia ki te aro a kapa whai muri i tana tautakaro angitu anō mo te kapa Tasman i te whakataetae ITM Cup.

Heoi na te iti o ngā rangi hei whakarite i a rātou i mua i te whakamātautau tuatahi, he akomanga nui ma ngā tauhou nei.

Otira koina hoki te take i tohua te tokorua nei ki te rārangi poumuri nā o raua pukenga hei whakahiko i te tira mai muri.

Hei āpōpō tae atu ai te kapa ki te rongo tuatahi atu i te aria ki te pā o Noevair, te wāhi e tākarohia ana te whakamātautau ā te Rāhoroi.

Koia hoki te wa tuatahi hoki ka ārahi a Charlie Ngatai i te kapa ki te whakaharatau a te kāpene ki konei.