Kaupapa: Basketball

Kua whakaingoatia te kapa Poitūkohu o Aotearoa mō ngā Taumāhekeheke Hoawhenua

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu
  • Ahitereiria

Nō te rangi nei whakaingoatia ai te kapa Poitukohu o Aotearoa e te kōmiti Orimipia o Aotearoa, e Poitūkohu Aotearoa anō hoki, mō ngā whakataetae Hoawhenua ka tū ki te Tai Koura hei te marama e tū mai nei.

Hei tā te kaiako matua, hei tā Paul Henare, he pukenga nui kei ngā kaitākaro tekau mā rua te tokomaha, ā, he rangatahi ētahi, he ika ā whiro hoki ētahi, kātahi anō ka tākaro i ngā tukinga ki tarawāhi.

Nō te tau rua mano mā ono tū ai ngā Hoawhenua ki Poipiripi, i taua tau wikitōria ai te kapa i te mētara hiriwa. Ko Mika Vukona noa te ika ā whiro kua noho tonu ki tēnei kapa, kikī ana i ngā whetu maiangi, i ngā toki anō hoki.

Ko Nigeria, rātou ko Kānata me Ahitereiria ngā hoariri ā puna, ko ngā kapa toa e rua o tēnei puna ka koke ki ngā whiringa whāiti.

A, i ngā ui katoa me ngā kaitākaro rerekē nei, he ōrite tonu te whakautu mō te whainga a te kapa.

Hei te tuaono o tērā marama tuki atu ai a Aotearoa ki a Nigeria.