Kaupapa: Māori Sports Awards

Kua whakaingoatia te kapa Pango Tāroaroa Rangatahi

Rahia Timutimu
  • Tāmaki Makaurau
Tai Wynyard, Junior Tall Black

Nō te rā nei, ka whakaingoatia e kaiako Judd Flavell ngā kai-tākaro tekau o te kapa Pango Tāroaroa Rangatahi ka whakawhiti ki Whīti hei tēra wiki ki te whakataetae i te tauwhainga Oceania Junior Championships. 

I riro i a rātou i eke, ō rātou poraka tākaro i te rā nei, ā, e manawa kapakapa ana ngā pūkenga māori kua tohua. 

Whai muri i te kotahi tau e whakangungu ana, i whakaingoatia te kapa Junior Tall Blacks i te rā nei.

He rōpū i tīmata i te ono tekau i tēra tau, i whakarāpopoto ki te tekau mā rua i tēnei wiki, ā, he tekau ngā kaitākaro i eke ki te kapa matua.

I te kapa tekau, tokowhā he uri Māori.

Ko tētahi ko te pōtiki o te tira, a Tai Wynyard. Kua kaha te kaitākaro he tekau mā ono tau te pakeke ki te whai turanga.

He wiki whakanui tēnei mā Tai, kua whakarāpopototia a ia ki ngā Pō Tohu tākaro Maori ka tū hei tēnei Rāhoroi. Kua whakarāpopototia hoki tana pāpā, a Jason ki ngā Po tohu tākaro Maori.

Rere atu ai te kapa ki Whītī hei tēnei Rātapu.

Anei te whakarārangitanga mai o ngā kaitākaro:

Jayden Bezzant, 18 years old, 180cm, Waikato, guard;

Dane Brooks, 18, 190cm New Plymouth, guard;

Sam Colenutt, 18, 190cm, Auckland, guard;

Joseph Cook-Green, 17, 186cm, Otago, guard;

Matthew Freeman, 16, 204cm, North Harbour, forward;

Beauden Giddy, 18, 187cm, New Plymouth, guard;

Brandon Gleaves, 18, 199cm, Canterbury, forward;

Izayah Mauriohooho-Le’afa, 17, 183cm,Hutt Valley, guard;

Samuel Timmins, 17, 204cm, Otago, centre;

Tai Wynyard, 16, 200cm, forward/centre, Waitakere West Auckland;

Mō te roanga ake, tēnā tirohia te whārangi http://www.basketball.org.nz/