Kaupapa: Rugby

Kua whakaingoatia te Kapa Ōpango Māori mo te takaro tuatahi

Kua whakaingotia te kapa Māori mo ta rātou whakamātautau ki a Kanata hei te Rahina nei.

Tokorima nga tauhou i tohua ki te aro a kapa, ara ko Zac Guildford rātou ko Luke Braid, ko Lima Squire, ko Joe Wheeler, ko Kane Hames. He tokoono ano nga tauhou ka noho ki te paehihiri.

Kei Kānata tā mātou kaikawe kōrero hākinakina ko Rewa Harriman e aruaru ana i te tira ko tāna kahore ia i te ohorere ki te kapa, ko te nuinga o ratou kua takaro kē mā te kapa mana nui nei, he kaitakaro hou i roto i te kapa engari ko te nuinga kua eke kē ki tenei taumata, heoi ano ehara i te whutuporo anake e aronui ana e ngā kaitakaro, he akoranga, he wānanga Māori e whakaherehia ana i raro i te maru o te kaumatua o te kapa e Luke Crawford.

Ko aua wānanga he mea nui whakaharahara te whakahaere i enei mahi momo ki ngā kaitakaro.

Ahakoa e rima tau a Piri Weepu i waho atu I te kapa Māori, koia tētahi o ngā kaiārahi o te kapa e whakaako ana i te haka ki ngā hoa takaro hou.

Heoi, kahore te uri o Ngāti Whātua Orakei me Te Arawa a Joe Royal i te hiahia āwhina, hei tāna, i waimarie ia he ao Māori tōna whakatipuranga.

Pērā i ngā whakaharatau ki runga i te papatakaro, ka reka ake tā rātou hononga hei te roanga ake o tenei wiki.

Hei whakawhānui ake i ngā korero mo ngā wānanga Māori i roto i te kapa, i piri atu te pouhere o te kapa a Luke Crawford, ki Te Kāea hei tuku whakamarama ki te marea.