Kaupapa: Basketball

Kua whakaingoatia te kapa haratau Tāroaroa Pango

Ruth Smith
  • Te Waipounamu

He wairua rikarika kai te rāngona i te kapa haratau o Ngā Tāroaroa Pango i whakaingoatia me te aha, kua tīmata te whakariterite i ngā rautaki e eke ai te kapa.

Ahakoa ka tamō ngā whetū tarakē o te ao Poitūkohu, a Steven Adams rāua ko Alex Pedger, e ai ki te kaiako matua, ki a Paul Henare, e hīkaka ana te ngākau kia uru atu ki ngā mahi i mua mai i ngā kēmu whiriwhiri mō te whakataetae poitūkohu ā-ao.

Ko tētahi o ngā mahi tuatahi mā te kapa he whakatō i ngā mātāpono e tika ai te koke a te kapa.

E whakapono kau ana a Henare ki tana tīma, heoi, e ai ki a ia, matua rā ko te whakaute. 

Hai te rua wiki tuki ai te kapa Tāroaroa Pango ki a Hong Kong ki Rotorua.