Kua whakaingoatia a Tamara Otene ki te kapa Pūkura o Aotearoa

  • Tāmaki Makaurau

Kua whakaingoatia a Tamara Otene ki te kapa Pūkura o Aotearoa kia tākaro i te whakataetae o te ao hei te Whiringa ā Nuku.

Ko Tamara te kaitākaro Māori anake i te tīma, ā, mā te whakataetae Pūkura ā-motu ki Tāmaki Makaurau i a ia e rite ana mō Initōhia.

Kotahi atu ki ngā rangi, ahakoa paewhā, paetahi mai, katoa mai ka hinga i a ia.  

He wheako nui e whai hua ana mōna hei te marama o Whiringa-ā-nuku e haere mai nei. 

E ai ki a Tamara Otene o Ngāti Tūwharetoa, mō ngā kaitakaro o Aotearoa, he mea nui kia riro i te wheako me te takaro tahi me ngā kaitakaro o te ao.

Ko te kaitākaro tekau mā rima ōna tau i tuku tīwhiri me te kōrero āwhina ki ōna hoa kaitākaro o Aotearoa.

Ākene pea tū ai hei kaiako. He aha ia i whiria ai? 

E kī ana a Otene me parahutihuti ngā waewae, ā, ko ētahi mea nui ko te nakawhiti me te kahuki.

Koia anake te kaitākaro Māori ki tēnei tīma, heoi, he aha i kore ai e nui ake i tēnā?  

Ko tāna ki ngā tāngata e hiahia uru atu ki tēnei tākaro, me ngana tonu ki te whakangungu pau te kaha, ā, kaua rawa e tūohu. 

Haunga i te tākaro pūkura, he kaitākaro poirewa anō hoki, ā, nā tērā i uaua ai te whakatau mōna. 

Me whiriwhiri au i te poirewa i te pūkura rānei. Kāore au i te mōhio ko tēhea te mea pai ake māku.

Ko ngā kōti o Te Raki Paewhenua tōna ahunga mō te wā nei i a ia e whakarite ana kia tū ki ngā whakataetae ā-ao ki Initōhia.
mō te Ao, ki Initōhia.