Kua whakaingoatia ko Dean Whare te 'Ihupuku o te Tau'

He uri nō Te Arawa e para ana i te huarahi mōna ake, e whakairo hoki ana i tōna ingoa ki te tohu ihupuku o te tau, me tana karo ano hoki i te whakaingoatanga o te paihau kapa Kiwi, o Roger Tuivasa-Sheck.

Hāunga rā ngā mihi ā te mano ki a ia i te tau kua hipa, hei tā Whare, me tiro arotahi ia ki te whakatika ake i ngā āhuaranga katoa o tana kēmu.

Me te aha, ao ake i tētahi tau tākaro papatoiake, ko te whakaora i te tinana te aronga nui i tēnei wā, i mua i te tau tākaro hōu o te kapa Penrith.

Ka noho a Whare ki te taha o Kieran Foran, mōna kua tohua nei hei kaitākaro Kiwi o te tau, ā, ka riro hoki i a ia te mētara whakamahara i a Steve Wātene.