Kaupapa: Māori Sports Awards

Kua whāi wāhi te Rākau Ōpango ō-mua a Krystal Forgesson ki ngā whiringa toa mō te taonga Hineahuone

Rahia Timutimu

Whai muri tana ekenga tuatahi ki te kapa Black Sticks i te tau rua mano mā rima, i whakangā a Krystal Forgesson i ngā tukinga ā-ao. 

I tōna wā tākaro, i eke ia ki te kapa mō ngā whakataetae Hoawhenua e toru, i eke hoki ia i ngā Taumāhekeheke e rua.

I ngā tau e iwa, kua whai ia i ngā piro whitu tekau mā whitu, kei runga ia i te taumata, nā tēnei, kua whakaīngoatia e ia ki Tohu Tākaro Māori o Aotearoa.

Ahakoa kua rītaia mai o Krystal Forgesson i te tākaro hōkī (hockey) ā-ao, kei te whakanuia tonu aia.

Ko Krystal tētahi o ngā kaitākaro tokotoru kua whakarāpopoto ki te taonga Hineahuone, te kaitākaro wahine toa o te motu ki ngā Pō Tohu Tākaro Māori.

I eke tuatahi te uri nō Ngāi Tahu ki te taumata i te tau rua mano mā rima, ā, he rua rau rua tekau ngā tukinga kua tākaro e ia.

I tōna wā tākaro i eke a Forgesson ki ngā Taumāhekeheke Hoawhenua o Melbourne, Dehli me Glasgow, ngā whakataetae Orimipia ki Beijing me Rānana, ā, ngā ipu o te Ao ki Holland me Ākētina.

E kore rawa a Krystal e warewaretia ki te Ao hōkī, i tēnei wā e noho ana ia ki ngā piro whitu tekau mā whitu, te tangata tuatahi ki te eke ki tēnei nama, e noho ōrite me Katie Glynn.

Hei te rua tekau mā iwa o ngā rā o tēnei marama, kitea ai mēnā ka eke anō a Krystal ki te taumata, hei taua rā tū ai te pō Tohu Tākaro Māori ki Tāmaki Makaurau.