Kua whai wāhi atu tētahi kaitākaro rangatahi AFL ki te kapa St Kilda

Kātahi anō a Joe Baker Thomas ka puta i te kura tuarua, ā, e mōhio kē ana ia he tūnga tōna mō ngā tau e tū mai nei ki te kapa AFL St Kilda Saints ki Poipiripi, Ahitereiria.

Tekau ngā kaitākaro nō St Kilda kua whakaeke ki Te Whanganui-ā-Tara i tēnei wiki ki te kawe i ētahi kaupapa hapori mō te karapu, ā, ko Joe tētahi o rātou.

Iti iho i te kotahi tau a Joe Baker Thomas e takaro ana i te AFL, engari he oranga mana e haere ake nei i tēnei hākinakina.

I tīpakohia a Joe i a ia i te whakataetae AFL tekau mā waru heke iho i tērā tau, ā, ahakoa kahore ia i takaroa i tenei hakina, e ākau nui ana ia ki te AFL.

Kei te Whanganui- ā-Tara te kapa St Kilda Saints i tēnei wiki, ā, ka hoki ngātahi atu me Joe ki Poipiripi hei te Rāmere nei, engari nō te rangi nei whakapuakitia tō rātou poraka hōu ka mau a te tukinga hei te rā o Anzac ki Te Whanganui- ā-Tara.

Tekau mā whitu noa tana pakeke engari me waia haere ia ki tētahi whenua hōu me ētahi mahere whakaharatau tūturu i raro i te maru o St Kilda.

E mārama ana a Joe, kahore he hua ki te kore he whakapau werawera.