Kaupapa: Rugby

Kua whai wāhi atu a Stacey Waaka ki te kapa Wāhine Takiwhitu whānui

Kua makaia anō te pōro tākaro a-ao ki a Stacey Waaka tekau mā iwa tau noa iho te pakeke. Kua tīaho mai ia i te poraka pango 15, ā, ināianei kua karangahia ia ki te kapa takiwhitu o Aotearoa mō te wā tuatahi.

E whai ana ia i ngā tapuae a tōna tungane, he toa takiwhitu nō te kapa tāne, arā a Beaudein Waaka.

Hei tā Waaka, he kaha nō tōna tūngāne ki te whakaako i a ia i ngā nekehanga me ngā mōhiotanga o te kēmu rā.

I whērikoriko mai ia mō Waikato i tata whai urunga ki te whiringa toa o te tau nei, ā, e tau hāere ana ia ki te momo tākaro takiwhitu.

Ko tana tākarotanga tuatahi ka tū ki te tauwhāinga takiwhitu UON Central Coast ka tū ki Ahitereiria hei te mutunga wiki reipa.