Kua whai waahi a Patti Grogan ki te tira Judo o Aotearoa mo ngā taumāhekeheke hoa whenua o te aō

Tekau mā waru marama te roa o tana mahere rautaki, o ana whakapau kaha, ā nā kona i tutuki ai i a Patti Grogan kia whai wāhi atu ki te kapa Judo o Aotearoa e anga atu ana ki ngā taumahekeheke hoa whenua o te ao hei tērā marama.

Rua tekau mā wha tau te pakeke o Patti, e anga whakamua ana ki ngā taumahekeheke hoa whenua o te ao i te wahanga rima tekau ma rua kirokaramu mō Aotearoa.

I tipu ake a Patti ki Tūranganui a Kiwa, ā, timata mai tana mahi Judo i reira, ā, i hāere noa ki tōna tau tekau mā waru.

I whakatahangia ana whainga Judo mō ngā tau e wha i a ia i te whare wananga engari kotahi tana aro ki tana hākinakina i ngā marama tekau ma waru kua hori.

Ko te manako, ka pera anō tona maia ki Glasgow.