Kaupapa: Basketball

Kua whai tūranga a Megan Craig ki te kapa Rarauhe Tāroa

  • Te Tai Tokerau

Kua poroa te rārangi īngoa o te kapa Rarauhe Tāroa i tā rātau hōpuni i te 23 ngā kaitākaro ki te 14, ā, he uri Māori, toto poitūkohu hoki, kua whai tūranga ki te kapa.

Kua ea ngā whakamātautau, ko te wā ki te whakapau kaha.

Hei tā Megan Craig, “Kei te rongo mātau i ngā mamae i o mātau uaua, ā, ko te pare i ērā mamae te whāinga matua, me te āwhina anō a tētahi i tētahi.”

Koinei ngā kaitākaro 14 toa o Aotearoa, ā, he uri nō Ngāpuhi e 6'8 pūtu te tāroa e hana mai ana.

Ki tā Kennedy Kereama, “Ko tana tāroa tētahi o ōna āhuatanga nui, he 6'8 pūtu tōna tāroa, he 6'11 to roa o ōna ringa.  He āhuatanga pai tērā ki tō matau kapa, i te mea he tino tāroa ngā kaitākaro o Ahitereiria.”

He āhuatanga e rere ana i ōna i a ia.

E ai ki a Megan Craig, “He whanaunga māua ko Tai Wynyard, kua tino pūāwai mai ia, a e whakahīhī ana au mō tō māua whānau.  Ki a au nei, nāku i tīmata a ko ia e kawe ana ki taumata kē.  Kei te para māua i te huarahi mā o māua whanaunga e whai mai ana.”

Kei te mārama ki a ia tana pae tawhiti.

Hei tā Megan Craig, “Ko te tae atu ki Rio, mai i te wā 12 ōku tau, i hiahia au ki te puta ki te Taumāhekeheke Orimipia.”

Ko te tukinga tuatahi ka tū ki Poipiripi hei te 15 o Here-turi-kōkā, ko te tuarua ki Tauranga hei te 17, ko te toa o te tauwhāinga ka whai tūranga ki Rio.