Kua whai tūranga a Bowman ki te tauwhāinga Oceania

He whawhai nui i kitea ake i te pō whiringa toa o te whakataetae mekemeke o Aotearoa. I te wāhanga whitu tekau mā rima kirokaramu, i eke panuku a Josh Bowman nō Te Rarawa, ā, ehara i te taitara toa o te motu anake tāna i whiwhi ai.

Ka whai tūranga ngā toa katoa o te motu ki ngā Taumāhekeheke Oceania hei te Whiringa ā Rangi.

Mai i te kokonga whero, ka whawhai atu a Josh Bowman no Te Rarawa ki a Daniel Parkin no Taranaki, a, ko te taitara 'whitu tekau ma rima kiro karamu' o Aotearoa te aronga mo enei ika whakawera.

He rereke te momo whawhai o enei kaimekemeke, me te aha, i whakatata atu a Bowman ki tana hoa tatawhainga kia wawe whakaputa ai tana kaha i te whawhai.

He kupu tohutohu mai i tona kaiako, ara ko tona Papa a Tim, a, i hoki ano a Bowman ki tana mahi mekemeke i te rauna tuarua. Heoi, i whiu meke whai tatau tonu a Daniel Parkin, me tana whakaparori i etahi wa o te whawhai.

I whakarïrā tonu nga ika haehae nei i te rauna whakamutunga kia pakeke tonu te mahi whakatau ma nga kaiwhakawā.

Engari i te mutunga iho i riro i te uri Maori nei te wikitoria, ara ko te taitara toa ma tetahi whakatau a te nuinga. Inaianei ko te Whakataetae Oceania te aronga ma Bowman hei te marama o Whiringa a Rangi ki Tamaki Makaurau.