Kua wawaohia tētahi kēmū whutupōro ā motu ki roto katoa i te reo Māori

Mere McLean
  • Waikato/Te Waiariki

Mo te wā tuatahi i wawaohia tētahi kēmu whutupōro ki roto katoa i te reo Māori. He kaupapa tēnei nā te Uniana Whutupōro o Te Waiariki hei tuku mihi ki a Ngāi Māori mo a rātou mahi mo tēnei kēmu.

Ko te whutupōro tētahi mahi e arohatia nei e te kai wawao Māori nei a Mate Samuels engari i mua i te whutupōro ko te mea e tino arohatia nei e ia ko te reo Māori.

Hei tāna, “Ko te mea nui kia ngana, tērā te mea nui ki au, ahakoa mōhio ētahi o ngā kupu, mātatau ki te reo, ko te mea nui me ngana ki to tātau reo Māori, me whiua ki te ao.”

I toko ake te whakaaro ki roto i a Mate ka tere ngā mahi o tēnei tukinga.  Ko tō Mate mahara nui ka kore ngā kaitakaro i te mārama pai ki ōna tohutohu

Ki tā Samuels, “Ko taku kōrero ki a rātou me titiro ki aku kōrero ā ringa, ae, nō reira he mea raru engari kei te pai tērā.”

I noho takitahi te haere o te hākinakina, i ngā Māori U18 te pakihiwi kaha ki roto i ngā mahi ki runga ake i Te Waiariki U19. 

E ai ki a Matangireia Yates-Francis o te tira Te Waiariki U19, “The referring was interesting some of the calls I was sort of lost on but overall it was good.”

Ki tā Rameka Poihipi o te tira Māori U18, “My Te Reo isn't very good, so I didn't really understand and much as I should Nah it's good to embrace the cultural and it's all good.”

I tino haukerekerehia e Te Waiariki e Ngā Māori  ko ngā tatau whakamutu he kotahi rau mā rua - Te Waiariki, kore.