Kua wāhi te kapa Māori ki te NRL All Stars

James Perry

Ka tuki te kapa Māori ki te kapa o te Iwi Moemoea i mua i te whatinga NRL 2019.

Ka whakakao atu ngā kapa tāne, wāhine anō hoki ki te taiwhanga o AAMI ki Poipiripi hei te Hui Tanguru hei tūwhera i te NRL.

Tīmata ai te All Stars i te tau 2010 i waenga i te kapa Moemoea me te kapa World All Stars, heoi i moe i tēnei tau. Hei te tau 2019 kite tuatahi ai te kapa Māori i te kaupapa nei.

Pērā ki ngā tau i mua ka tukuna mā ngā apataki ngā kapa nei e kōwhiri. Hei te Kohitātea āhei ai te tuku pōti. Kua kitea e NRL.com i tētahi tokowha e āhei ana ki ngā kapa e rua. Ko ngā karangatahi nei, ko Josh Hoffman, ko Dane Gagai ētahi. Ko Javid Bowen o North Queensland, ko Reimis Smith o ngā Bulldogs ērā atu. Me tīpako e rātou te kapa e hiahia nei rātou i mua i te Kohitātea.

Ka whai wāhi atu ngā waewae parahuti o Queensland nei o Kalyn Pnga me Valentine Holmes ki te tūhono ki ngā hoatakaro Warriors pēnei i a Isaac Luke, Adam Blair me Tohu Harris.

Ka kitea hoki pea a Greg Inglis, rātou ko Josh Addo-Carr, ko James Roberts me Latrell Mitchell ki te kapa Moemoea.

E matapae ana a NRL.com ka noho tonu a Laurie Daley hei kaiako mo te kapa Moemoea, heoi kāore anō kia whakahua ko wai te kaiako Māori.

Ki te taha ki ngā wāhine, inā pea ngā Kiwi Ferns ka wahi wāhi atu. Hei te tau nei timata ai te whakataetae NRL wāhine, arā ko Honey Hireme, rātou ko Laura Mariu ko Rona Peters pea ētahi ka kitea ki Poipiripi.

Hei āpōpō hoko atu ngā tīkiti. Hei te Kohitātea tūwhera ai ngā paetukutuku tuku poti.