Kaupapa: Waka Ama

Kua tutuki pai ngā mahi waka ama ki te whakataetae 18 o te Ao

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu
  • Ahitereiria

Ko ētahi o ngā rēhi tere rawa atu i kitea ki te rangi whakamutunga o te whakataetae waka ama a Ao ki Tahiti, ā, inā ngā mētara kua whakawhiwhia e Aotearoa.

Wairuatoa kāore a Aotearoa i wikitōria i te whakataetae katoa, tēnā i te whakataetae e rua tau ki muri ki Ahitereiria, heoi anō kua whakaatu atu a Aotearoa ki te ao whānau, ko te whenua taurikura nei tētahi o ngā whenua kaha o te ao.

Ki ngā rēhi rima rau mita te tawhiti, tekau mā whā katoa ngā whiringa toa i kitea ake.

Ko Puhi Kaiariki ērā nō Horouta Waka Hoe i toa ai i te mētara tuatahi o te rā, ko Aotearoa tērā it tae tuatahi, tuarua, tuatoru mai ai mō te hunga i raro iho i te tekau mā ono tau.

Hei tā Te Aomihia Pewhairangi, tētahi o ngā kaihoe, kei te rangi tonu ngā whakaaro. “Kare he kupu, pērā i nanahi, rawe rawa.”

A, ki taua reanga tonu mō ngā tāne, ko Baby Heli’s nō Horouta i tae tuatoru mai ai.

“I ngā rā kua hipa, kaore o matou whainga i tutuki,” hei tā Manaakiao Maxwell, tētahi o ngā kaihoe o te kapa,”heoi anō, ko ta mātou i te rangi nei he ngahau, he waiho ki runga i te wai.”

E toru ngā mētara koura i whakawhiwhia ai e te kapa o Team Taitokerau nō Ngāti Rēhia mā te toru hēkona.

Hei tā tētahi o ngā kaihoe o tēnei kapa, hei tā Hilda Harawira, “Tino rawe te tima nei o Te Taitokerau, kaha ia wahine ki te mahi whakangungu, ki ō rātou wai puta noa i te motu, harikoa ana kua hoe mātou katoa i raro i te ingoa o Te Taitokerau, i te mea he uri mātou katoa nō reira, e harikoa ana e toru ngā koura e whakahoki atu ana ki Aotearoa.”

He timatanga tere a Uruhina nō Te Au Rere, toa ai i a rātou te mētara Hiriwa ki te reanga whā tekau tau piki ake.

Ko te turanga tuatahi, turanga tuarua hoki tā Aotearoa ki te reanga tekau mā iwa tau me raro iho, ko Hinetoa tērā nō Horouta Waka Hoe i whakaihuwaka.

A ki ngā rēhi tere rawa atu o te rangi, ko te wāhanga ika ā whiro wāhine tētahi o ngā wāhanga pakari, ko Kaiarahi Toa nō Horouta Waka Hoe i mutu tuarua mai ai.

Heoi anō ko Mulivai nō Pineula tērā i tino eke mā Aotearoa i tēnei rā. He pakanga ki ngā kapa toa tā te kapa, kia toa ai i te mētara rauwhero.

Ka anga atu te titiro ināianei ki Hilo Hawaii, ki reira whakahaerehia ai te whakataetae waka ama a Ao e kainamu mai nei, hei te rua tau.