Kaupapa: Rugby League

Kua tūrakitia te kapa Manukau-Whanui e Tāmaki U17 ki te whiringa toa NZRL

Mere McLean
  • Waikato/Te Waiariki

Kotahi atu ki te kaupapa mō te reanga kei raro i te tekau mā whitu tau te pakeke i te whiringa whakamutunga ki te whakataetae NZRL rangatahi whurupōro riiki.

Ko Manukau ngā whakaihuwaka me ngā kaimanaaki o te taonga i tērā tau, engari rere ana te whawhai.

I a Akarana te mauri tau ki runga ake i ō rātou hoariri, i mua rātou i te haurua o te tūtakinga, tekau ki te kore.

Heoi, kīhai a Manukau i tuohu, e anga whakamua tonu ki roto i te mahi.

Kia tae mai ki ngā mēniti whakamutunga o te hākinakina ka rewa haere te hiahia, ko Akarana i te ārahi, tekau mā ono, Manukau e whai ana tekau mā whā.

Engari i a Akarana te kōrero whakamutunga.

Hei tā Luke Tipene, “Ki au nei, he tino kaha te kēmu, ki a rātou ko Counties-Manukau, ae, he tino tīma kaha rātou e kore rātou i whati i te kēmu, heoi anō, kua pau te hau o tōku tīma.”

Tatau whakamutunga, rua tekau ki a Akarana, tekau mā whā ki a Manukau.