Kua turaki ngā Mystics e ngā Pulse

Wikitōria Day

Nō ngā manuhiri, arā nō te kapa Northern Mystics te mana whakahaere i te hauwhā tuatahi o te kēmu, ā, i mārama kitea te pakari o tā rātau tākaro.

I mua tata mai i te tānga manawa, i piki ake te kaha ki te kapa Pulse, nō reira, i te taenga mai o te hauwhā tuarua, i mua kē tō rātau ihu, tekau mā tahi ki te tekau mā rua.

I rerekē anō ngā kōrero i te wehengarua. I mua kē ngā Mystics e haere ana, rua tekau mā rima ki te rua tekau mā whā. Nā konā ka tonoa e te kaiako o te tira Pulse a Robyn Broughton a Liana Leota rāua ko Donna Wilkins kia puta ki te tākaro.

Nā ngā kaiārai a Katrina Grant rāua ko Te huinga Reo Selby-Rickit i hāpai ake i tō rāua kapa, kia hāneanea ai tā rātau noho ki mua.

I te otinga atu i toa te tira Pulse, he whā tekau mā rima ki te whā tekau mā iwa ngā tatauranga.

A tērā wiki ka tuki atu te ope Pulse ki te tira Queensland Firebirds, ā, ko te kapa West Coast Fever ka tū hei hoariri mō ngā Mystics.