Kaupapa: Entertainment

Kua tukua e ngā tauira poitūkohu he rīpene o tētahi wero ki te haka ki a Ellen Degeneres

Aroha Treacher

Kei te kaikapua atu ētahi o ngā tauira poitukohu nō te whare wānanga poitūkohu a Paul Henare rāua ko Paora Winitana ki Amerika mō te tauwhainga poitūkohu AAU.

Heoi, kua whakatakotohia e rātou te mānuka, ko te whai kia whakaatu rātou i te haka Māori, kia aro pū ai a Ellen DeGeneres ki a rātou.

Ko te hiahia o ēnei rangatahi kia whakamāramatia atu te tikanga o te haka ki te hunga o Amerika i a rātou e noho ana ki reira.

Nā reira, kua whakatakotohia e rātou te mānuka ki a Ellen DeGeneres, kia mātakitakina tā rātou ripene e ia.

I kitea te haka Pango Tāroaroa e te ao, i a rātou e haka ana i te whakataetae poitūkohu FIBA i te Mahuru, e hia miriona ngā tāngata i kite, otira, kei te noho tōtara wāahi rua ngā whakaaro mōna.

Kua tukuna o rātou rīpene ki ngā ipurangi YouTube EllenTube hoki, ka whakaaetia pea o rātou hiahia, kia tūtaki ki ētahi whetū NBA kia haka hoki ki te atamira o Ellen.