Kua tū toa ngā tuakana Hihi i te hākina Brazillian Jiu Jitsu

Rahia Timutimu
  • Te Tai Rāwhiti

Kei raro ngā pakeke i te tekau ngā tuakana a Carlos raua ko Dante Hihi, heoi kua wikitoria te tokorua nei i ngā metāra ā ao whai muri i te uru noaiho ki te hākina Brazillian Jiu Jitsu mo te kotahi tau.

I whakataetae tuatahi raua ki a raua tauwhāinga a Ao tuatahi i tēnei tau, a, i korero tahi rāua ki a Te Kāea mo ta raua angitu me ngā pae tata kei tua i te awemāpara.

Ahakoa ngā ra whakangā o te Kirihimete, kare he whakangā mo ngā tuakana nei, a Carlos rāua ko Dante Hihi, e whakangūngū tonu ana ratou ki te kainga.

Na whai ano, kua taka mai ngā hua, i whakataetae te tokorua nei ki te tauwhāinga Kids World BJJ ki LA i te marama o Hongongoi, i whakahokia mai raua tahi i ētahi metara.

Ahakoa te poto rawa o te wa i roto i te hākina nei, kua whakaatu a rāua pukenga ki ngā whakataetae a motu, a ao hoki. Kare e kore he angitu te whai a te tokorua nei, ahakoa te hakina ka whaia.