Kua tū toa ngā Sharks

Wepiha Te Kanawa

He timatanga kino mo te kapa Crusaders, i horo te poro i ngā meneti tuatahi, mea rawa ake i whai wāhi te kapa Sharks ki te kokiri.

Hēoi i hao ake te haukainga i ngā hapa a te hoariri kia whai piro ai. Na tēnei mahi nanakia a te kapa Sharks, i riro i a Sean Deysel te kari whero.

I te haurua tuarua i kaha kitea ngā hapa a ngā Crusaders, he tekau mā toru piro ki te tekau mā whitu ki ngā Sharks.

Nā te toki whana a Colin Slade i eke ai ngā Crusaders.

Hēoi ahakoa te kaha whakaeke a ngā Crusaders i te ātea e whitu tekau mā tahi ōrau te nui, tē taea e rātou te whakatinana i tērā ki te papa kaute.

Engari nā tēnei piro i whakahinga ai te haukainga, i toa ngā Sharks e toru tekau piro ki te rua tekau mā rima.