Kua tū rangatira tētahi rangatahi no Te Teko i te aō poirewa

Mere McLean
  • Waikato/Te Waiariki

Ko te whakaharatau te mahi nui ma Jaryn Rutene, ka noho hei kanohi  ma Aotearoa ki te poirewa hei te Here turi kōka e tū mai nei.

Hei tā Jaryn, “I ohorere ahau i te wā i uru au ki roto o te tima, he tama nō Te Teko, ae, he pai te uru ki roto i te tima poirewa o te ika a Maui mo te hunga kei raro i te tekau mā whitu tau.”

Kei te whakaharatau ia mo te whakataetae Australia Young Championship mō te tima poirewa tane kei raro i te tekau mā whitu tau o te ika a Maui.

He toa a Jaryn ki runga i te papa, ā, he tauira ia ki ōna hoa tauira me ngā kaimahi o te Kura Tuarua o Te Mānuka Tūtahi.

Hei tērā tau kei te hiahia a Jaryn Rutene ki te uru ki roto i te tima poirewa o Aotearoa mō te hunga kei raro i te tekau mā iwa tau te pakeke, engari i tēnei wā me tiro ia ki te wikitoria i te whakataetae.