Kua tū mai ngā Youthtown Allstars

  • Tāmaki Makaurau

I te poupoutanga o te ra, i whakamaanu te kaupapa Youthtown All Stars ki Tāmaki Makaurau.

Koinei ngā toki takaro poitukohu no roto mai o te rohe o Tāmaki Makaurau, a, kua rua marama ngā kapa e wha e whakataki atu ana, ki tena, ki tena, kia tae wawe mai ki te papa whakatuwaewae nei i tēnei ra.

I te hauwha tuatahi, ko te ihu o ngā Te kapa Birdmen tera, kei mua noa atu. He 30 ki te 18 ngā tatau.

Engari, ka nanaore atu te Kapa Flava Flyers, ko ngā poumua ēra, ka kawea ake te manuka.

A, pake pai te haere o to ratou pito, a Houston O'Riley ki te whakahaere i te kapa. Ka mutu, e 26 nga kuru a te Kapa Flyers i tera hauwha tonu, a, i te wehengarua o te keemu, he 48 ki te 44 ki te Kapa Birdmen ngā tatau.

Ko te miniti whakamutunga o te wahanga tuawha te wahanga hihiko rawa atu o te kēmu.

I te huringa o te karaka i te rua hekona, ka kuhu atu te kapene o ngā Birdmen a Casey Frank, ka ea tana kuru, a, ka orite ngā tatau.

Ka ora mai ano te kēmu, mo tētahi wahanga ano, engari ka piki atu ano te Kapa Birdmen, a, kainga ana to rātou puehu e ngā Flava Flyers