Kaupapa: Māori Sports Awards

Kua tohua anō te kapa Ōpango Māori ki te wāhanga whāiti mō te kapa o te tau

Kua tohua anō te kapa Ōpango Māori ki te wāhanga whāiti mō te kapa o te tau mō ngā tohu tākaro Māori.

I riro i a rātou tēnei honore i tērā tau whai muri i tā rātou haerenga angitū ki Amerika me Kānata, ā, ko te āhua nei ko rātou anō te kapa makau mō tēnei tau a muri mai i tā rātou whakatutukitanga i Hapāna.

Mārakerake ana te kitea te whakahīhī me te hōnore nui ki runga i ngā kanohi.

Mō ēnei kaitākaro kāhore he tira i tua atu i te kapa Ōpango Māori

I haukerekere te kapa Ōpango Māori i te tira o Hapāna i te whakamātautau tuatahi  ono tekau mā tahi ki te rua tekau mā tahi, he whakatutukitanga mīharo mō te kapa whānui me ngā tauhou.

Kei runga noa ake te whakamātautau tuarua mā Dan Pryor, te mokopuna o te kaitākaro o mua o te kapa Ōpango Māori a Albie Pryor, i tata ake tēnei tukinga engari nā Dan te piro i ngā miniti whakamutunga kia puta ai te ihu rua tekau ki te tekau mā waru.

He wā hoki e kore e warewaretia e te kaiako e Colin Cooper.

Nā reira, he pō hākari anō mō te kapa Ōpango Māori mena ka riro anō i a rātou te tohu Ngā ika ā Whiro i tēnei tau.