Kaupapa: Cricket

Kua toa a Black Caps i te tukinga T20 a Ao tuatahi

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Kua turaki a Black Caps i a Inia i te tukinga tuatahi o te whakataetae a Ao Twenty20 ki Inia, he turaki i te haukainga ma ngā oma whā tekau mā whitu. He tahi rau rua tekau mā ono ngā oma ki tā Īnia whitu tekau mā iwa i te otinga ake.

Wikitōria ai a Black Caps i te whiriwhiri kia patu, kia epa rānei, ā, ko te patu tā rātou hiahia tuatahi. Ahakoa he ngoikore rātou i te timatanga me te whai ngā omanga tahi rau rua tekau mā ono i ngā kaipatu e whitu i te rua tekau noaiho, ko te taha epa, ko ngā mahi pātiki hoki te take i wikitōria ai rātou.

Nā te hāngai a ngā epa o Aotearoa, i wawe tā rātou hoki mai kia hautū anō i te tukinga. Kia puta a Inia ki waho, he tekau mā tahi ngā pōro e toe ana.

I te otinga o te tukinga, o ngā pōro ono tekau mā ono i whiu i ngā kaiepa tāwhirowhiro, he toru tekau mā waru ngā kuru i noho patu-kore.

Ko Inia te toa o te ao mo te T20, ko rātou hoki ngā makau o te whakataetae a Ao nei. I ngā tukinga tekau mā tahi whakamutunga kua wikitōria i a rātou ngā tukinga tekau, heoi i hapa rātou i tā rātou ake rautaki tākaro, ki te wāhi kua noho maori te kapa, i te kainga.

Inaeanei whakareri ai te kapa Black Caps mo tā rātou tukinga tuarua e whai ake nei, ki te kapa Ahitereiria hei tēnei Pōmere (10:30pm te wā o Aotearoa).