Kua tīmata te whakataetae Poitūkohu FIBA Oceania Pacific 2013

Koinei te rā tuatahi o te whakataetae FIBA Oceania Pacific, rua mano, tekau mā toru, i waenga i ngā tira nō Ahitereiria, Whītī, Hāmoa, Papua New Guinea, Guam, Tahiti, me New Caledonia.

Nā tana takaro i roto i te kapa Tall Ferns, e mōhio ana a Aroha haumaha i ngā tono a ngā kaitākaro i roto i ngā taumata teitei o tēnei hākinakina, ā, kei te whakapono kei tōna tīma ngā pūkenga kia toa.

“Rua toru ngā wā ki te parakitihi ahakoa tērā kua whakawhanaunga, kua piri tata mātou, kua noho tahi, ana he whānau me kii.”

I te tau rua mano mā iwa i hinga rātou ki te kapa o Ahitereiria i ngā whiringa toa o tēnei whakataetae, engari mō ngā kaitākaro pērā i a Samara Gallaher, he Tall Fern o nāianei, ko te utu te mea nui.

Ā, e ai ki te kāpene o te kapa tāne, a Puke Lenden, ahakoa he wā poto ki a rātou kia whakarite ai mō te whakataetae nei, nā runga i ngā tohutohu o te kaiako o te tīma, a Jeff Green, kua whakapiri mai rātou i raro i te wawata kotahi.

Ahakoa kua tata tīmata te whakataetae, kua matapae ētahi ko wai ngā tīma kia āta tirohia.

Hei te haurua i te ono karaka a te pō nei tuki ai te tīma tāne ki a Hāmoa, whai muri tēnā ka tuki ai te tīma wāhine ki a Guam.