Kua timata te whakataetae hahau pōro Māori ā motu

Mere McLean

Ko te wahanga tuatahi tēnei mo te uru me te hahau i te poro, nuku atu i te toru rau ngā kaitakaro kei roto i tēnei kaupapa kei tēnei papa hahau, kei Te Puke e takaro ana, e ai ki ngā kaiwhakarite kua eke o rātou hiahia.

I tēnei tau he wahanga wāhine, ki ngā tāne he taha tuakana, takawaenga, teina to rātou, he wahanga pakeke tāne, wāhine, a, he wahanga rangatahi.  

Mo te wa tuatahi kua tae mai a Tuhourangi Wilson, e waru ona tau, kei te takaro ia, a, ko tōna pūkenga hahau he tekau mā waru.

E ai ki tōna Papa, e rima ona tau ka timata ia ki te takaro engari kotahi anake tōna whainga i te wa ka takaro ia.

I tēnei tau mō ngā toa, wāhine, tāne mai ka whai wāhi rātou ki roto i te whakataetae hahau pōro o Aotearoa, heoi ano ka rereke hei tērā tau mo ngā tāne, me toa rātou i tēnei tonamana, a, me takaro rātou i tētahi atu tonamana i mua i tōna rātou urutanga ki roto i te NZ Open.