Kaupapa: Waka Ama

Kua timata te rēhi nui o Hawaiki nui Va’a

Rahia Timutimu

Kua timata te reihi nui e kiia ana ko te Hawaiki nui Va'a i Raiatea.

Ko te mutunga mai o nga rēhi roa o te ao tenei. Kei Tahiti tā mātou karere hākinakina ko Rahia Timutimu.

He whakapau kaha mo ngā marama maha kia whai hua I te rā nei, i whai waahi ngā kapa no Tahiti me te ao whānui i te wāhanga tuatahi o te whakataetae Hawaiki Nui.

I timata te whakataetae ki Huahine i mutu i Raiatea i te ata hapara, whā tekau ma whā kiromita te tawhiti. I mutu te kapa tuatahi I taua reehi i ngā haora e toru.

I reira matau a Te Kāea i te taha tonu i ngā kaihoe, me te kite, kei ia kapa te tupono ki te wikitoria I te taitara rua tekau ma rua i taua whakataetae.