Ngā kaupapa: Māori Sports Awards, Rugby

Kua timata ngā whakaharatau mo ngā Ōpango Māori i Kānata

Ahakoa te makariri, wairua tau ana nga kaitākaro Māori i ta ratou whakaharatau tuatahi ki Kānata.

He whakaharatau mama i te ra nei, he taonga te wa na te mea, e rima noa nga ra hei whakawai i mua i te whakamātautau tuatahi.

Ko tā Andre Taylor o Ngāti Tuwharetoa me Ngāti Kahungunu ahakoa te hiahia a ngā tira katoa kia roa te wā hei whakaritea i ā rātou ano ko te mea nui kia mahi tika tōna tīma i te wā poto kia puta ngā hua pai.

A nā te poto o te wā whakarite, he whakahirahira ngā hononga i tâia i wāenga i ngā kaitakaro i te whakataetae Super 15 me te ipu ITM.

Ahakoa he whakaharatau mama ki runga i te papatakaro, e kore e kore ka pera i te whakaharatau haka I te ahiahi nei.