Kaupapa: Touch Rugby

Kua tīmata moata mai te wāhanga tākaro pā pāoro mō Te Waiariki

Mere McLean
  • Waikato/Te Waiariki

Ki te Waiariki, ko te whakaariki a ngā reanga tekau mā rima tau me raro iho, tekau mā whitu tau me raro iho, i ngā whakamātautau pā whutupōro mō te takiwā.  E whakapau kaha ana te uepu pā whutupōro ki te whakahiato i ō rātou toa rangatahi, kaitākaro mai, kaiwawao mai anō hoki.  Kei a Mere McLean te roanga atu o ngā kōrero.

E rikarika ana a Bay of Plenty Touch ki te tohu i ōna kapa tekau mā rima tau me raro iho, tekau mā whitu tau me raro iho anō hoki, kia rite ai mō te whakataetae ā-motu a te hunga rangatahi ki Ōtautahi a tērā tau.  

Hei tā te kaiwhakaako o BOP, Ira Te Kani, ka tīmata tonu te whakataetae hei te Whiringa-a-nuku engari kua whakarauika moata mai ngā tamariki kia tīmata ngā mahi kohi pūtea, he $1200 mō ia kaitākaro kia tae atu ki Ōtautahi.

E whitu ngā wāhanga e tirohia ana, arā ngā tama, ngā kōtiro, ngā reanga hanumi, me ngā kapa whakawhanake.

E ai kī a Ira Te Kani kua kite ngā hua i roto i te whakapakari o ngā taiohi tīma, e toru o rātou tīma i tae atu ki ngā whiringa toa i tērā tau.

He rā hoki hei whakawhanake i ngā kaiwawao.

Ka tīmata te wāhanga pā whutupōro hei tērā marama, heoi anō hei tērā Rāapa rā anō mōhio ai ēnei toki mēnā ka pau tēnā wāhanga ki ngā kapa whakakanohi, kāhore rānei.