Kaupapa: Basketball

Kua tau mai a Yao Ming

James Perry

Kua tae mai te kaipoitūkohu NBA rongonui nō China, a Yao Ming ki Aotearoa mō te kēmu whakauru ki te kapu o te Ao o ngā Tāroaroa Pango ki a China āpōpō.

He ika ā whiro o te NBA Yao Ming te perehitini o Poitukohu Haina. Hei tērā tau tū ai te whakataetae ipu o te ao poitukohu ki Haina. Hei tāna, e whakapeto ngoi ana rātou kia kainga rua te noho o ngā kapa katoa ki Beijing.

Nōna e takaro ana, i kitea e Yao Ming i te kaha o te haka i ngā whakataetae o te Ao. E hoki ana mahara ki āua wā me te kī atu, koira te momo o te ao hākinakina. E mahara hoki ia ki te wā i tiro kanohi ki te kanohi rātou. 

I tūtaki ngā kapa e rua ki ngā apataki i waho o Sky City. Kei mua te ihu o Aotearoa nō tō rātou wikitōria kia Haina i te timatanga o te tau. Hei tā Yao Ming, kua pai hāere te kapa Haina. 

Koinei te kēmu whakamutunga o te rauna tuatahi o ngā whiringa whakauru ki te whakataetae o te Ao. Hei te Māhuru timata ai te rauna tuarua.