Kua tau atu te maha noa ki ngā rēhi hoiho o Uawa

Rahia Timutimu
  • Waikato/Te Waiariki

Neke atu i te whitu tekau ngā kaieke hoiho, a he tini hoki ngā kaimatakitaki i tae atu ki te whakataetae eke hoiho o Tolaga Bay i te rā nei, he tau nui tēnei mō te whakataetae nei.

I timata tuatahi te whakataetae nei i ngā tau whitu tekau, e whetu ngā momo rēhi ki runga onepoto i whakaritea, hei rēhi ma te katoa.

Ko te rēhi tuatahi mo ngā hoiho ehara i te horomata, rua tekau ma rima ngā hoiho i whai wāhi atu, a, koinei tētahi o ngā rēhi nui rawa atu kua kitea no te timatanga o te whakataetae.

I tau mai ētahi kaieke no tawahi ki te whakataetae nei.  Kei Perth a Matānuku Parata e noho ana, heoi ko tana hiahia kia hoki mai ki te whakataetae i tēnei tauwhainga.

Kare e kore ka whakahaere tonutia te whakataetae nei i ngā tau e heke mai nei.