Kua tae mai a Mason ki te whakatairanga i te tauwhainga NRL Auckland Nines

Tamati Tiananga
  • Tāmaki Makaurau

Kei Aotearoa nei a Willie Mason e takahi ana i te motu ki te kawe i te rongo mō ngā whakaritenga o te whakataetae taki whitu NRL, kei Tāmaki Makaurau hei te tekau mā rima ki te tekau mā ono o Te Hui Tanguru, Ki Eden Park. 

Ko Mason rāua ko te toki Warrior, Tonga o mua a Awen Guttenbeil ka kawe i te kaupapa nei ki te marea, heoi kua puku te rae o Mason nā ngā kōrero a ētahi kaiwhakahāere o te kapa Tonga, mōnā    

I te rua mano i takaro tuatahi a Mason mō Tonga, nā whai ano te whakāro me puta ano ia hei ika mā tōna whenua ūkaipo ki te mura o te ahi i te Ipu o te Ao i tēnei tau. 

Hei tā Mason, kua parea e ia aua kupu kino ki te taha, me te aha, kua aro atu ki te tau tākaro e tu mai nei me te mohio ka piri atu te uri māori nei a Russell Packer ki tana kapa NRL.

He whā tau te roa o te kirimana tākaro a Packer me te kapa Newcastle Knights.