Kaupapa: Rugby

Kua tae ētahi o ngā Ōpango Māori ki te Aporo Nui

Ko te rangi tuarua tēnei ma te kapa Māori ki Philadelphia i a rātou e haere ana ki Amerika ki te Raki.

A ahakoa e hāngai ana te titiro ki te whakamātautau ki ngā Eagles e kainamu mai nei, ko te rangi okioki tēnei ma nga kaitakaro.

E ai ki tā mātou kairipoata a Rewa Harriman e whai hāere ana i te tira ahakoa ko te whutuporo te aronga nui ma ngākaitakaro, i whai wāhi rātou ki te tirotiro haere I te takiwā, a ko te nuinga o rātou i noho ki Philadelphia tirotiro atu ai, engari i peke atu ngā kaitakaro o te tauihu, ngā Mako ki runga tereina ki te taone nui o New York.

Kahore he aha ki te tokowhā i hāere te oho moata I te ata nei kia haere mā runga tereina ki te taone e kīa nei ko te "Aporo nui"

I te taenga atu ki New York, marakerake ana te kitea, he poto rawa ngā kaitakaro i ngā whare tikoke maha i reira.

He tuatahitanga tenei mā ngā kaitakaro kia haere ki taua tāone, a hei ta rātou, koinei tētahi o ngā hua nui o te haerērē whutuporo.

I piri atu hoki ngā hoa tākaro Mako ki tētahi whakapāhotanga pouaka whakaata i a rātou i Times Square.

I whakapaua ngā pūtea ki ngā toa hei whakamaumaharatanga i tā rātou haerenga ki New York

Ahakoa ko te whakamau i te poraka Māori te mea nui i tēnei haerenga, kahore e kore he rangi tēnei e kore e warewaretia e te tokowhā.