Kaupapa: Rugby

Kua runga noa a Aotearoa i te Pō Tuku Tohu Whutupōro o te Ao ki Rānana

I te rā nei tū ai te pō tuku taonga whutupōro o te ao ki Rānana.  Ā, i reira anō ētahi kanohi Māori e whiwhi ana ki ngā tino taitara o te ao.

E ono katoa ngā tohu whakanui i whiwhi i ō tātou kaitākaro whutupōro ngaio ki te pō tuku taonga whutupōro o te ao i tū ki Rānana.  Ko te kōrero Māori nui o te rā.

Ko te kaupoai o Ngāti Porou a Nehe Milner Skudder te Mahuri Tōtara o te Ao, ā, ko Portia Woodman o Ngāpuhi kei te pae o angitu, ko ia te Kaitākaro Takiwhitu Wahine Taiea o te Tau.

Ko te putanga mai o te hinu nui ki a Dan Carter, te Kaitākaro Toa o te Ao o te Tau.  Nō Julian Savea te mana mō te Piro o te Tau, ā kāre tātou i te ohorere ko te kapa Ōpango tonu i whakaingoatia hei Kapa o te Tau

I wikitōria hoki a Kendra Cocksedge, kaitākaro Rarauhe Pango, te tohu Kaitākaro 15 Wahine o  te Tau.